搜書包

我已經唔記得我讀書既年代有無經歷過，但當年讀既中學都算名校，同學壞極有個譜，就算俾你搜都應該無咩收獲。

今日唔係討論道德問題，只係想講下學校係學生個書包入面google到D乜野。

話說當日除左我唔知之外，班主任都應該無收到通知，只知放學後要帶晒全班學生去禮堂。我八掛咪去睇下囉，點知見氣氛凝重，我心感不妙，為免令學生覺得我有份安排，所以一見勢色不對就即刻離開案法現場，免被牽連。

事後見有好幾位學生被安排坐係訓導組出面，細問之下先知佢地書包內有違禁品，所以要被追究。最common既係手機，話說學校係要學生返學擺低手機，由學校看管的，所以搜到手機基本上係犯左欺騙學校之罪；第二位係打火機，學校係嚴禁學生係校內校外吸煙，所以有關工具，包括打火機都係違禁品。

而最令人耐人尋味既係，竟然搜到「螺絲批」同「士巴拿」，我即刻諗起笑林足球，笑死我～