母親節應承左幫朋友做商場show既MC，應承係因為朋友拍膊頭幫手，另一方面亦想提升下自己做MC同講野既能力。唔好以為做社工既對講野無恐懼，其實我返學present呀，早會同D學生講野呀都會超緊張，我一直都好想刻服對住一堆人講野既恐懼，所以其實都有少少逼自己去做呢個job，逼自己去面對。
一直都忙著，都係靠Email聯絡，早兩日先收到rundown，睇左一睇又丟埋左一邊，直至尋晚先叫做拎出黎研究下，寫少少稿，做下cue card。一早去到會場，又收到另一個版本既安排，好多野準備左都無用，都係要即場寫過D points，同埋趁每節空檔都去後台同下一round既嘉賓brief一下，基本上都係靠臨場應變。
第一part出場已經亂晒籠，lur晒脷，諗好左既野又講甩晒，寫低左既野又睇唔返，叫左D表演者上台原來個music又未ready，我仲要震飩飩～ 第一part慘敗！！好在好快狀態回勇，慢慢適應過黎，加上無人跟我每次上落台既安排同嘉賓既走位，我連呢部份都做埋，但反而因為清楚晒發生咩事而令我更安心。
睇下全日個rundown，基本上我係係台上不停做介紹同訪問，有一刻覺得自己似安德尊：有位導師上台教插花，我係隔離旁住佢一路插花一路介紹，我又要一路問野，等唔會有無悶場.....好似做緊都市閒情一樣～～ 仲有D訪問環節：社企既嘉賓上台介紹佢地既服務同產品，我又要問下佢地既理念同發展～～ 完全係挑戰緊自己～
好在，順利完成。中途仲有Naruto路經打氣，又有朋友咁岩路經商場見到我就黎打個招呼，又俾我見到演出嘉賓入面有一個好耐無見既義工朋友...... 感覺好好～
今次無錢收架，但下次有奀show，都可以再試下～！！
10 意見:
喂，下次有show記住叫我支持下!!!!!
下次有show記住叫我支持下!! X2
:)
邪留丸~
我唔係嚟打氣架，你一上台我就即走啦，我嚟踩場架咋
可惜我唔喺香港，如果唔係，我都會嚟現場同你打氣。
我都鍾意做MC，唔係因為自己講嘢叻鍾意表演，實情係啱啱相反，係想挑戰自己，同你一樣。我覺得克服臨場緊張其中一個方法係事前要諗稿，最重要係試講。一定要講出聲，比淨係用腦諗或者筆寫效果好好多。講到順口，到時就自然有信心。而即使諗咗嘅稿到時用唔著，都會因為自己已經有足夠準備有信心而有能力應變，再者，萬一dead air亦都可以用番嗰d內容。
仲有一句：
今次雖然冇錢收，但係賺到嘅經驗，係錢都買唔到。
我又仲有一句：
下次有鬚記住剃左佢
似安德尊? 好彩你唔駛好似佢要易服扮女人!
馬田亨,邪留丸:
唔好意思呀~無通知你地~
只係我擔心有人來睇更大壓力~ 所以唔敢通知任何人~ hoho~
Naruto:
你唔打氣都黎! 堅好呀! 鬚我日日剃架!
Black Lab:
Thanks for your support!! 其實每做一次MC都係一次好好既學習同成長 :) 我亦認同唔收錢其實都有得著!!
Artman:
堅好彩唔使化晒妝做埋D核突野~~hoho~
明白你嘅心情 :)
預祝你下次做得更好~
邪留丸~
又唔早啲單聲, 等我又去踩下個場嘛~!! (定話你有post但我miss咗?!) hehehe~
張貼意見