好悶好煩好討厭

呢幾日岩岩病好，唔知有無關係，突然覺得身邊好多野好唔順心。

尋晚突然覺得好無動力，唔想出街，唔想返工，返工唔想做野～ 好似來來去去都係咁樣發生，每日起身，返工，放工，返學，做功課，練波，返夜～　好悶好悶好悶～

諗起屋企～　好煩～　一間屋三個人一隻狗～　但係得我會執下屋～
1. 得我一個會覺得屋企多塵，得我會去吸塵；
2. 我自己得三幾對鞋，但屋企人每人都有擺唔盡咁多對鞋，叫佢唔著既就丟，無人理我；
3. 屋企已經細，可唔可以唔好拎咁多唔等使野返黎，我唔想幫你執手尾；
4. 我好憎屋企黑麻麻，夜晚又要逼人拉晒D窗簾訓，又焗又暗好討厭；
5. 可唔可以唔好愈來愈早餵隻狗，明明係早餐，點解係4:30am食？搞到每朝4:30就吠，我已經努力處理，屋企人幫下手好嗎？
6. 屋企愈來愈似獨居老人一屋雜物咁，就快路都無得行，唔要既野丟左佢啦好嗎？
7. 天花同牆都剝落，處理下啦好嗎？牆身有D霉，係咪等緊我幫你抹左佢呀？
8. 可唔可以唔好再要我一個人供層我無份揀無自己房無我個名既樓呀？？？？？

好煩～